haha完全荒廢咗個blog... 但係其實honeymoon之後已經無再自由行，所以無乜好update x)
今次打尖分享咗釜山旅行先！上年10月同屋企人去，發現網上無乜人講6個大人嘅住宿同交通方法，所以係度分享當時嘅體驗。
住宿
我哋總共6個成人，不適合一般"家庭房型"。想住係海雲台同南浦洞，所以當時都研究咗一排。最後揀左呢兩間︰
1)海雲台NewCZ Haeundae
* 2024年中新開！離地鐵站，海雲台沙灘，夜市等，大約10分鐘路程，附近都好多嘢食，旺中帶靜！
* 我哋揀咗最大嗰隻房型 Panorama Ocean (共3房)，分別係主人房(連洗手間)，客房1(1張床)，同埋客房2(TATAMI款)。
* 優點︰設施裝修好新，有個大廳可以一家人傾計同買野番去食，設計好時尚！睇日出日落無得輸！
* 注意點︰有啲似service apartment咁，所以要去指定樓層check-in先，係指定時間先可以有房間，如果早到可以放行李俾佢哋保管(記得注意辦公時間，同埋主要用簡單英文)。check out 就咁走就ok。唔會每日提供清潔服務。
* 其他︰佢有提供開放廚房，但係我哋無用過，如有需要最好問清楚。
我個人好鐘意呢間酒店！開頭睇到一啲評論話會有新裝修同渠味，但住咗幾日都無聞到。有張長枱，即刻好有家族旅行feel。同埋佢哋design好韓劇feel haha
2)南浦洞 Hotel Ground 27
* 原本係南浦洞都想搵啲三房嘅住宿，但係air bnb 嗰啲睇唔啱，所以最後都係分開三間房book haha。
* 都係2024年新開ga！地理位置超級好！過對面就係樂天百貨+超市+影島大橋，一行出去就係南浦步行街，行前少少就有電梯去龍頭山公園，非常方便！
* 房間設施新同乾淨，雖然冇提供早餐，但係附近有好多嘢食！
* 家人一致好評，因為可以不停去shopping X) 可以返酒店放低戰利品再出去haha。另外BIFF廣場都好多嘢行haha
交通
由於想體驗自由行，所以係釜山市區無包車。主要用visit busan pass (巴士，地鐵)同uber。Uber就分開2部電話叫各1架車，車費平均分唔貴，最緊要係長輩friendly！唔使行咁多路 x)
Uber用番原本account就得，不過建議預先係naver搵定韓文地址，因為定位未必太準，但係overall好方便！
機場來回我哋就book 咗車，因為有行李，uber 的士唔夠位。
希望嚟緊有多啲時間update 個行程...XD
Day 1︰
HK -> Busan，釜飯Handasot 한다솥@海里團，鑽石遊艇 (VBP)，傳統市場夜宵，海雲台
Day 2︰
極東豬肉湯飯，天空膠囊列車(尾浦->青沙浦)，海洋列車(青沙浦->松亭 ps 喺青沙浦一次過用VBP換來回票)，skyline luge (VBP) + 樂天outlet，海洋列車 (松亭->尾浦)->Sky X Tower (VBP) -> ClubD Oasis (VBP)-> 味贊王豬肉
Day 3︰
甘川文化洞韓服體驗 哲秀與英熙철수와영희 (VBP)->烤扇貝 海底王國바닷속조개왕국 [長輩非常鍾意!!] ->松島水晶纜車來回 (VBP)->SpaLand (VBP)->海雲台傳統市場shopping
Day 4︰
(包車)內藏山紅葉 + 名人館명인관 lunch [長輩非常鍾意!!]，南浦洞
Day 5︰
MOMOS 倉庫咖啡(得奬)->白淺灘文化洞 + Having Moment 咖啡店->南浦洞BIFF廣埸shopping+樂天超市
Day 6︰
Egg Drop-> back to HK！
沒有留言:
發佈留言