JJ Honeymoon ~ 瑞士交通篇

 去完瑞士，真心佩服瑞士鐵路/大眾交通的方便及 user/tourist-friendly!!

這次我們係瑞士自由行的部份大概頭尾9天，全部都係搭巴士/國鐵/登山火車，接駁無問題，交通配套都很好，只要有data 用到 “SBB Mobile” 個 app 就得 hahaha

買哪款 travel pass 好？

答完好似無答既答案：depends on 你既行程規劃同埋想去/參觀的地方 LOL

如果同我地既行程安排差唔多：half-fare card + super saver day pass (超長途)

我們用 half-fare card 既主要考慮:

• 因為主要是係少女峰 (Jungfrau region) + 策馬特 (Zermatt) + 最後少少蘇黎世 (Zurich) 活動，不需要每天都使用國鐵，而且無諗過去參觀博物館/遊湖這類行程，所以覺得會cover唔返 Swiss Travel Pass 費用

• 暫時都應付到係異地自由行買車票 hahahahaha，途中見到一些韓國姨姨一班人去自由行，好開心，這種情況有 Swiss Travel Pass 就可以隨便上落車，又不怕買錯車票

• 上少女峰 (Jungfraujoch) 都可以享有50% discount! Swiss Travel Pass 只有25% discount… 行程中最課金的一趟登山火車 XDD

• 連埋 super saver day pass 一起用，其實計落會平一啲

實際運作

Day	主要行程	車票 (全配以 half-fare card)
Day 8	Zurich Flughafen (Zurich airport) -> Grindelwald	國鐵 (Super saver day pass)
Day 9-12	First + Lauterbrunnen Iseltwald + Interlaken Jungfraujoch	登山火車 + 國鐵
Day 12	Grindelwald -> Zermatt	國鐵 (原本這程都想用super saver day pass，但係遲左，最後當場搏到有優惠票 XD)
Day 13-15	Matterhorn Five-lakes walk	登山火車
Day 16	Zermatt -> Zurich HB (City Centre)	國鐵 (Super saver day pass)
Day 17	Zurich HB -> Zurich Flughafen	國鐵

注意事項：

• half-fare card 需要在車站用 passport 登記領取實體本，記得好好收藏！我們係Zurich 落機後去機場的 SBB中心辦理，非常方便

• half-fare card 只係可以幫你將車資減半，但並不是車票 (unlike Swiss Travel Pass)!!! 是另外需要買車票的。如果是國鐵，可以直接在SBB Mobile 上購買 (可以一個戶口幫同伴一齊買)，車務人員查票時 (我們都遇過幾次)，一併將passport + half-fare card + SBB Mobile 的電子車票 show 比佢，佢地scan 左就得。開頭第一次有少少緊張，因為見到有其他遊客被通知要立刻買返啱既車票，同埋雖然我之前有做資料搜集，但係無知理解得啱唔啱 hahaha 好彩過關。之後再遇到就慣

• Super saver day pass (as at Sep 2023) 係可以半年前係SBB Mobile買定，default setting 會係half price，買既時候不需要已購買half-fare card，但係用 super saver day pass 既時候一定要有 valid 既 half-fare card

• Super saver day pass 類似係 one day transport pass 咁可以無限答國鐵/巴士/電車等的交通工具 (當然唔包登山火車)，夠早買的話可以低至 CHF29，之後就是CHF39，CHF49 (half-fare 來計)。具體啲黎講，Zurich 機場去 Grindelwald around CHF44，Grindelwald 去Zermatt around CHF 41，Zermatt 去Zurich市中心around CHF65，所以如果長途又plan左日期又買到較平既super saver day pass既話，係可以幫你係昂貴的瑞士省下一些飯錢 hahahahaha 之前一直係3個月前先開賣，但係我5月中check 既時候先發現原來改左半年前開賣，Grindelwald 去Zermatt 嗰程得返最平CHF39，所以無買，但最後竟然當場有 discount 票 so lucky!

• SBB Mobile app 可以check埋巴士/國鐵/電車之間怎樣接駁，就算 miss 左車或好似我地咁搭錯方向都可以立刻搵返啱既路線

地理位置概念圖 XD

Day 0: 飛行體驗

Day 1: 到達希臘，雅典衛城 (住Athens: Amalia Hotel)

Day 2: 札金索斯市區 (住Zakynthos: Bitzaro Hotel) 

Day 3: 太陽的後裔沉船灣 + Cameo Islands (住Santorini Fira: Asimina Hotel) 

Day 4: Volcano tour + Oia 日落 (住Santorini Oia: Iota Monocave by Thireon) 

Day 5: Oia photo tour (住Santorini Oia)

Day 6: 船被cancel (住Santorini Fira: Firaxenia Rooms)

Day 7: Mykonos隨便走走 (住Mykonos: My Comfy Windmills)

Day 8: 到達瑞士 + 夢幻Grindelwald (住Grindelwald: Hotel Spinne)

Day 9: First + Lauterbrunnen 

Day 10: 周圍行吓 + 享受Hotel Spinne 設施 

Day 11: Iseltwald 愛的迫降 + Interlaken 滑翔傘

Day 12: 少女峰！！！ (住Zermatt: Schloss Zermatt)

Day 13: Zermatt 市區走走

Day 14: Matterhorn + 芝士火煱  + Zermatt 日落

Day 15: 黃金日出 + 五湖健行

Day 16: Zurich Lindt Chocolate Museum (住Zurich: Hotel City Zurich Design & Lifestyle) 

Day 17: Back to HK！